«Լուք Օպտիկ» ՍՊԸ-ն հիմնադրվել է 2015 թ-ին։ Տարիների ընթացքում, շնորհիվ ընկերության պրոֆեսիոնալիզմի ու հետևողական աշխատանքի, բազմահազար մարդիկ հենց մեզ են վստահել իրենց համար ամենաարժեքավորը՝ տեսողությունը։ Լօօk Optic խանութ-սրահները հաճախորդների համար դարձել են կատարյալ տեսողություն և գերազանց տեսք երաշխավորող վստահելի վայր։
Խանութ-սրահ Մալայանի անվան կենտրոնում
Ս. Վ. Մալայանի անվան ակնաբուժական կենտրոնի 1-ին հարկում գտնվելու հանգամանքը հնարավորություն է տալիս հաճախորդին անմիջապես մեկ վայրում, մինչ ակնոց գնելը, հետազոտվել կենտրոնում առկա նորագույն սարքավորումների օգնությամբ, ստանալ փորձառու և բարձրակարգ մասնագետների խորհրդատվություն։ Այստեղ մասնագետների կողմից ախտորոշվում է պացիենտի տեսողության անկման պատճառը, կատարվում է անհատական ակնոցային շտկում և առաջարկվում ամենաարդյունավետ լուծումը, որից հետո արդեն խանութ-սրահի արհեստավարժ անձնակազմի կողմից առաջարկվում են համապատասխան ակնոցի շրջանակներ։ Ակնոցները պատրաստվում են տեղում՝ ամբողջովին բժշկի կողմից դուրս գրված դեղատոմսին համապատասխան։ Բացարձակ ճշգրտության ու որակի հարցում համոզվելու համար բավական է միայն ստուգել ակնոցային ոսպնյակների բեկման ուժը գերճշգրիտ ավտոլենսմետրի օգնությամբ: Նման մոտեցումը թույլ է տալիս հաճախորդներին ստանալ լավագույն արդյունք: Չէ՞ որ ակնոցների ճիշտ ընտրությունը հստակ տեսողության երաշխիքն է, և կարևոր է հիշել, որ պատահական խանութներից, առանց մասնագետի խորհրդատվության և տեսողության սրության ստուգման, ակնոց ձեռք բերելը կարող է ոչ միայն անարդյունավետ լինել, այլև անդառնալիորեն վնասել տեսողությանը:
Նորաբաց մասնագիտացված սրահ Մաշտոցի պողոտայում
2022թ․ սեպտեմբերից Երևանի Մաշտոցի 43/14 հասցեում գործում է Լօօk Optic թվով երկրորդ մասնագիտացված սրահը։ Այստեղ առաջարկվում է հանրահայտ համաշխարհային բրենդների որակյալ և հավաստագրված արևային ու օպտիկական ակնոցների, կորեկցիոն շրջանակների, կոնտակտային ոսպնյակների մեծ տեսականի կանանց, տղամարդկանց և երեխաների համար:
Սրահը հագեցած է վերջին սերնդի սարքավորումներով, որոնց միջոցով, մինչև ակնոցի կամ ոսպնյակի ընտրությունը, հաճախորդը, ցանկության դեպքում, կարող է ստուգել տեսողությունը՝ Հայաստանի Օպտոմետրիայի ասոցիացիայի նախագահ՝ Ռուզաննա Մելիքյանի գլխավորությամբ:
Լօօk Optic խանութ-սրահներում բարձր որակն ու աշխատակիցների պրոֆեսիոնալիզմը երաշխավորված է։