Սույն թվականի սեպտեմբերի 24-ին և 26-ին ԱՄՆ-ից ժամանած Նաթան Շրամի կողմից LOOK OPTIC-ում կատարվեց խորհրդատվություն այն բուժառուներին, որոնք սկլերալ ոսպնյակների կարիք ունեին: Կատարվեց այդ տիպի ոսպնյակների տեղադրում և գնահատում բժշկի կողմից: Սեպտեմբերի 25-ին բժիշկ Նաթան Շրամը Ս.Վ. Մալայանի ակնաբուժական կենտրոնում ընթերցեց նաև դասախոսություն սկլերալ ոսպնյակների կիրառման ցուցումների և նրանց նստեցման գնահատման մասին: Իսկ Սեպտեմբերի 27-28-ը տեղի ունեցավ Հայ Ակնաբուժության նախագծի և Լոս Անջելոսի մանկական հիվանդանոցի 22-րդ ակնաբուժական միջազգային համաժողովը, որի ընթացքում օպտոմետրիայի սեկցիան վարում էին դոկտոր Նաթան Շրամը(ԱՄՆ) և Հայաստանի օպտոմետրիայի ասոցիացիայի հիմնադիր նախագահ Ռուզաննա Մելիքյանը: